沈卓盈激到外婆藤條侍候

無綫小花沈卓盈靚女又斯文，但原來小時候的性格似足男仔，連她也笑指自己十分曳曳：「我細個一啲都唔似女仔，好男仔頭！成日周圍跑、周圍走，仲會爬高爬低。」身為家中孻女的沈卓盈表示很多時由公公婆婆照顧，自言經常跟三家姐爭餐飽：「我哋兩個乜都爭餐飽！婆婆見我哋兩個一爭嘢就會『藤條炆豬肉』，我哋就周圍走避婆婆。」她又指雖然經常與家姐爭嘢打交，但轉頭已經搭番膊頭，無損姊妹感情。
沈卓盈自爆愛爬高爬低，試過半天吊要求救。
沈卓盈自爆愛爬高爬低，試過半天吊要求救。

講到最百厭的事情，沈卓盈憶述試過爬鐵欄勁驚險：「試過有一次爬鐵欄，嗰時細細粒，點知一爬上去，我件衫畀鐵欄勾住咗，吊住喺半空！上又唔係，落又唔係，最終嗌救命，叫阿婆嚟救我。」

沈卓盈乜都同家姐爭餐飽，但無損兩人感情。
  • 沈卓盈乜都同家姐爭餐飽，但無損兩人感情。
沈卓盈小時候勁似「小丸子」，性格卻是男仔頭。
  • 沈卓盈小時候勁似「小丸子」，性格卻是男仔頭。