河國榮再戰病魔 幫愛犬按摩排尿

藝人河國榮近10多年來飽受抑鬱症、右耳基底細胞癌及胃酸倒流等疾病折磨，亦曾經濟拮据，欠下幾十萬卡數，幸最終一一闖過難關。不過，最近他家中一隻愛犬因年紀老邁器官衰退，未能自行排尿，河國榮要每天日夜親手幫牠做膀胱按摩助小便，差點連出埠的工作都做不到，他說：「之前有個登台要出埠三日都差啲去唔到！因為太太唔識幫佢整，如果佢三日去唔到小便就會變膀胱炎，最後搵到寵物醫院可以幫到狗狗，我先放心出發。」
河國榮每天日夜親手幫愛犬按摩膀胱助小便，但絕不言棄。
河國榮每天日夜親手幫愛犬按摩膀胱助小便，但絕不言棄。

笑看坎坷：冇苦又點嘗到甜

該次登台，河國榮獻唱了鄭少秋的《笑看風雲》，結果被人放上網，引來不少回響，擁200萬瀏覽人次，不少網友讚他唱得非常好，連他亦笑言估不到！雖然這些年來有不少不快事降臨，但河國榮並不覺得命途坎坷，一切都視為經歷：「冇苦又點會嘗到甜呢！人生有起有跌先至有趣，就算抑鬱症最嚴重嘅時候，我都冇試過有輕生念頭，發病過程係好辛苦，試過嬲到打牆傷害自己，當然呢件事係錯。之後我好努力去尋求醫治方法，一切都向積極正面咁去諗，生命好保貴，要好好愛惜！」

河國榮曾患右耳基底細胞癌。
  • 河國榮曾患右耳基底細胞癌。
澳洲長大的河國榮喜歡赤腳放狗，感受大自然。
  • 澳洲長大的河國榮喜歡赤腳放狗，感受大自然。