糖妹揸鐵通揼牛丸又食又拎
藝人糖妹（黃山怡）最近有份參與的無綫節目《輝哥為食遊》開始播映，她透露節目內食盡中山、潮汕及順德美食，很多食品都令她難忘，榜首菜式是脆肉鯇，令本來不食魚的她改觀，她說：「最深刻係就咁清燙嘅脆肉鯇魚片，放喺湯度淥一淥然後放入口，嘩，脆到呢！完全令我覺得食魚呢件事實在太美好啦！」
她又表示去了潮州品嘗手打牛丸，並親自嘗試打丸：「啲丸係用鐵通人力揼出嚟，我都有試揼一分鐘，結果嗰晚手腕痛到不得了！」並大讚店舖的牛丸美味：「好Juicy、好彈，牛筋丸更好食，因為好多汁，真係瀨尿牛丸Feel，講講吓我都流口水！我攞咗4袋牛丸返屋企，但轉眼已經畀屋企人食晒！」她此行亦挑戰了上山摘神灣菠蘿，即劈即食，大讚味道清甜！糖妹預告節目將於周六播出，屆時會睇電視重溫美食之旅。