點解老婆未有喜？祖藍自嘲唔係好得
出名扮乜似乜的「福祿壽」第二次踏上紅館舞台，三人施展渾身解數盡顯扮嘢絕技，更邀請到重量級嘉賓梁家輝上台合唱，初踏紅館的家輝感激福祿壽讓他圓夢，移了民的父母亦專程搭十幾小時飛機回來支持他！另外，談到王祖藍跟太太李亞男的造人計劃，他自嘲說：「聽講佢老公唔係好得，所以未生！」
由藝人王祖藍、李思捷及阮兆祥組成的「福祿壽」前晚於紅館舉行一連兩場的演唱會《福祿壽十周年演唱會》頭場，三人不停轉造型大玩廣告歌，思捷先後扮秋官及鄭伊健，祥仔則與女dancers以網上大熱的日本高中生造型，跳唱陳慧嫻的《跳舞街》晒舞技！而全晚的亮點是祥仔邀得影帝梁家輝任嘉賓上台合唱，家輝表示祥仔致電邀他來捧場時，家輝自覺演藝事業有所成就，但未上過紅館舞台唱歌：「叫移咗民嘅爸爸媽媽返嚟睇騷，佢哋話除非我係唱歌，如果唔係就唔返嚟。咁我就搶咗阿姐個位，做《輝加福祿壽》，父母就搭咗10幾個鐘頭飛機返嚟，好多謝福祿壽滿足咗我嘅願望！」
李思捷扮MJ「自摸」
之後福祿壽分別以大Ex、Handelababy同Hungry角色及天使造型上台，當談到處女黨時，祖藍所扮演的Handelababy就開玩笑說：「鍾嘉欣又生第二個，岑麗香同王君馨就預備造人，苟芸慧又就結婚，李亞男呢……聽講佢老公唔係好得，所以未生！」令全場爆笑！然後三子再輪流上台變裝扮嘢，祥仔扮玉置浩二、Psy及石敢當，思捷就扮蘇永康、Michael Jackson（MJ）及郭富城，祖藍就扮卡通片《魔雪奇緣》中的Elsa與鍾景輝。思捷扮MJ跳舞時更自摸下體兼Moonwalk，將氣氛推到高潮。最後，三子感觸地表示能夠有10年感情很不容易，更眼濕濕擁抱，為演唱會畫上圓滿句號。
10年奮鬥百般滋味
受訪時，三子表示在台上眼濕濕因為百感交集，祖藍指三人10年來都很有默契，現各人在不同範疇有所成就，更是百般滋味在心頭。當問到下次開騷快還是生B快？祖藍笑言想雙喜臨門：「帶埋老婆去巡迴，到時個BB就叫王福祿，或者王祿壽，改個咁嘅名，我老婆實唔肯過我！」
文：音樂組