藝人連詩雅昨日出席朱古力品牌活動，她透露以前自恃瘦削，朱古力當晚飯食，現時則適可而止。她憶起當年首次在白色情人節送朱古力給異性，笑說：「小學六年級時送過朱古力畀暗戀對象，見同學仔整朱古力，自己都湊熱鬧，不過個男仔都唔知邊個送畀佢，因為我冇寫名！試過就發現，原來送朱古力係會食檸檬。」問到可有送過朱古力給緋聞男友徐浩？她說：「唔使，送畀女仔就得。唔知點解，唔止係男朋友，就算係普通男仔朋友收到我送嘅朱古力都冇乜反應，好冷淡，依家只會送朱古力畀閨蜜。」
