吳雨邀陳偉霆碰釘：以前佢乜都拍！
亞視高層吳雨昨日出席「電視世界2018」記者會，與業界討論電視業發展。亞視計劃開拍劇集版《英雄本色》，吳雨大談籌備進度：「會同北京公司合作，依家籌備緊劇本，電影變成電視劇篇幅唔同要強化內容，《英雄本色》本身好吸引同係經典品牌，翻拍內容要好好，投資好大，有好劇本仲要有好演員，內地演員動不動都過億，但係有好演員參演等於劇集成功咗一半。製作費未知，要視乎演員。」
體諒多選擇驚揀錯
吳雨續指現時劇集選角走極端，要用一線紅星孭飛或用新人博一鋪，未來亞視每年會拍一套大品牌劇集及其他小型劇集。記者提議他邀請周潤發拍攝，他笑說：「任何嘢都有可能發生。最頭痛係演員，唔係錢嘅問題，係檔期。好似我同陳偉霆咁熟，以前搵佢拍乜佢都話拍拍拍，依家同佢講完，都要等等先，因為有太多劇本畀佢揀，佢都驚揀錯，難怪佢嘅。」
霍汶希歡迎斟洽
記者就此事聯絡陳偉霆經理人霍汶希，她說：「吳雨大哥未搵我，依家William（陳偉霆）嘅工作都排到年底，我哋一直都中門大開，只要係好劇本同作品，我哋都會好願意拍。」
至於徐小明以「香港電視專業人員協會」會長身份出席活動，透露今年「電視世界2018」會在「香港國際影視展」邀請內地及亞洲電視台、網絡電視的領軍人物進行前瞻性的高峰論壇，討論新舊媒體融合，並會邀請專家介紹電視新技術。提到邵音音早前透露林青霞、白雪仙、徐小明會負責「娃娃影后」李菁的殮葬費，徐小明說：「呢啲都係些微心意。」
文：影視組