歌手何弘軒昨日為兒童音樂劇綵排，今次要與80名小朋友合作，年紀最小只有3歲，他坦言有難度，因要用很多時間綵排，又笑言小朋友一見到他就與他玩，並說：「之前同佢哋合作過有經驗，知有啲小朋友可能上到台會扭計，因為個台黑。（點應付？）靠到時執生，可能拖住佢哋搵吓爹哋媽咪，同觀眾有互動。」童星出身的他透露今年還有兩套兒童音樂劇，並笑說：「希望喺兒童界殺出血路，做兒歌天王。」
