混血模蔡宛珊印度過年有金抽！
中印混血模特兒蔡宛珊（Sarika），簽約林盛斌（Bob）旗下經理人公司後，參與不少司儀工作，最近更參演電影作多方面發展。外表鬼妹仔的Sarika，原來在港出世及接受教育，算是地道香港人，識寫和睇中文，更講得一口流利廣東話。今個農曆新年，她湊熱鬧吃賀年食品並向讀者拜年，祝大家事事如意，亦希望自己長做長有，視老闆阿Bob為目標。
(手豆)雙重利是
由於Sarika在港過年，問到印度過年習俗跟香港有何分別？她說：「月份唔同，印度喺每年10月，香港計農曆，有時1月有時2月。印度主要慶祝頭三日，好似中國過年有大年初一、二、三。印度派利是只派畀自己家人，唔似中國人咁周圍派，其實我好着數o架，可以過兩次新年同（扌豆）兩次利是！（點慶祝？）全家人食吓嘢，印度啲過年甜點好鬼甜，喺香港過年我就最鍾意食蘿蔔糕同年糕，可以一個人食晒一底蘿蔔糕o架！」她又指在印度過年時家人會玩抽金幣，於香港過年則愛開賭局，她說：「我哋班朋友玩吓魚蝦蟹，發吓新年財！」
文：影視組
場地：九龍灣PAM