黎諾懿奸計得逞 逼李佳芯就範

藝人李佳芯(Ali)與黎諾懿日前為新劇開工,諾懿為求收雙封利是,不惜出動囝囝小春雞「(手豆)利是」,最終得逞,還自誇拍劇旺拍檔添丁,祝Ali早日雙喜臨門!Ali即「落閘」笑言:「嫁得出就得,唔使有BB住!」

Ali、黎諾懿和陳秀珠等於大年初五,在黃大仙拍攝無綫新劇《BB來了》,Ali和諾懿同樣是狗年首日開工,所以互祝開工大吉兼互派開工利是,其中諾懿更向Ali撻出囝囝小春雞個朵,明屈Ali派雙封利是!奸計得逞的諾懿笑說:「要出動囝囝先收到,今朝佢點都唔肯畀我!」問與男友陳炳銓拍拖多時的Ali,下年可會做人妻,正式派雙封利是?她即說:「咁快?」諾懿聞言即指自己除了旺拍檔戀愛運,更非常旺丁:「祝你早日雙喜臨門!」令Ali哭笑不得:「我嫁得出就得,唔使有BB住!」

承諾每年新春陪囝囝

提到小春雞日前抱恙,諾懿表示囝囝已經出院:「大家唔使擔心,依家佢喉嚨都係有啲感染,希望抗生素有效,如果情況冇明顯好轉,就可能要返醫院。(早幾日佢都好精神?)係,啱啱睇醫生都話佢情況輕微,但到夜晚就突然嚴重好多,所以初一至初三都廿四小時陪仔,我同佢講其實你想我陪你,唔使用呢個方法,而我都應承每年初一至初三都陪佢,但唔需要去醫院。」而曾經與媽媽兩個幾月冇見的Ali開心透露,日前終於可以放假陪對方過新年,更孖住去寺廟祈福,享天倫之樂。

文:影視組