鄧健泓扮迷你兵冧石詠莉
「愛妻號」鄧健泓（Patrick）日前孖太太石詠莉（Sukie）拍攝一個網上特輯，Patrick使出一條本來打算在擺酒當晚用的絕招，就是扮Sukie最鍾意的迷你兵團，他說：「本來扮小黃人呢招係喺婚禮上用，但原裝Minion人偶被運往美國，趕唔切整，最終冇扮。」
今次Patrick終成功扮嘢給太太驚喜，他請化妝師為他化上黃臉妝，戴住有五條頭髮的黃頭套及圓形大眼鏡，着埋Minion招牌吊帶褲，令Sukie爆笑到黐埋牆。對於老公突然變成迷你兵，Sukie不停狂笑：「無論點我都係愛你！」Patrick錫啖老婆後，又無厘頭問：「如果有日我得番幾條毛你仲愛唔愛我？」Sukie即答：「我會叫你剃咗去。」她又因老公的一番勵志話，感動得喊到變豬頭。