Super Girls牽紅線為周奕瑋介紹女神

組合Super Girls（SG）昨日在尖沙咀為好友周奕瑋主持的無綫節目《周遊東京》記者會撐場，期間鄭裕玲致電現場為周奕瑋打氣，令他相當驚喜。周奕瑋與SG一齊受訪，提到曾一起拍攝另一旅遊節目，SG大讚周奕瑋細心：「當時佢都係幕前拍嘢，但又幫手做翻譯，未出聲已經知道我哋想點，好似變咗我哋保母咁，咁好嘅男仔好難得！」周奕瑋不禁笑問：「咁最尾有冇暗戀我？」
周奕瑋邀請了好友Super Girls做嘉賓。
周奕瑋邀請了好友Super Girls做嘉賓。

問SG可會介紹女仔給周奕瑋認識？她們笑說：「介紹我哋個師妹囉！唔係好高嘅，但係『女神』嚟，叫做Judy（鄺潔楹），都係等佢哋順其自然。」周奕瑋在SG追問下坦言有買禮物送給Judy：「買乜就唔話畀你聽。」問到下次再拍旅遊節目可會邀請Judy？他說：「都想嘅。」SG即起哄問周奕瑋是否應先請她們拍節目？他笑說：「當住面梗係你哋先啦！有啲後悔請你哋做嘉賓，好似整蠱自己咁，哈哈。」

眾人夾賀年食品，Aka（右）不慎將食物整跌。
  • 眾人夾賀年食品，Aka（右）不慎將食物整跌。