鬥晒麒麟臂天佑「朱古力」冧暈老婆

正為紅館騷瘋狂操肌的Shine，經過數月苦練，由「排骨仔」成功進化成鋼條身形！黃又南上月曾除衫大騷雄厚背肌，前日輪到徐天佑忍不住上載赤裸上身自拍，大騷腹肌成果，一排「朱古力」現晒形！兩人前晚見記者時即場鬥晒「麒麟臂」，問到最滿意的部位？天佑最滿意的是腹肌，笑言連老婆都十分滿意：「老婆都幾鍾意，佢話操得咁辛苦，成個鋼條咁，快啲除衫畀人睇！我話乜你咁嘅！」不過，天佑為鋼條身形吃盡苦頭，曾經透露日食30隻蛋白的他在貼文中提到操練過程，合計完成76小時健身、15,200次Sit Up及150公里跑步，少點毅力也不行！