歌手張敬軒與泳兒日前飛到美國內華達州開騷，軒仔在握手環節「中頭獎」，被觀眾的螢光棒扑中，他說：「哎吔，你哋唔好扑我個頭啦！」泳兒見狀口快快說：「大家唔好扑我呀！」講完忍不住大笑。第二次落台時，軒仔又慘被人搣「八月十五」，大叫：「哎呀，你哋唔好搣我啦，唔係中秋節呀！」他事後說：「冇諗過觀眾咁熱情，因為我兩隻手都好忙，一隻手揸咪，一隻手收佢哋送畀我嘅利是，今次真係上下失守！」
#
