藝人丁子朗、張彥博及黃長興等，前晚到電視城直播big big channel《第一屆明星心跳Poker大賽》。彥博笑言被西裝骨骨的長興嚇窒，子朗亦自認水魚預咗輸。提到節目中有心跳機來測試參賽者有否講大話，子朗坦言好少講大話，多數被女呃：「我試過做觀音兵。（呃咗你啲咩？）以為自己係大將軍，點知原來有個更高級嘅，唔知點解做咗兵。（想今年行桃花運？）真係買咗棵桃花，聽李丞責師傅講放喺客廳中間！」長興則透露新一年會花更多時間拍劇：「廣東話進步咗，老婆成日鬧我，聽得多有進步。」
