古巨基搵子華報喜5月紅館見！
歌手古巨基趁昨日大年初五公布喜事，上載名為「子華神有話說」的短片，片中黃子華說：「古巨基，聽講你5月開演唱會喎，依家已經係2月啦喎，突然之間要開演唱會，聽講你有首歌係同我有關o架喎，我一定擘大隻耳仔等候你嘅演唱會。」因基仔相隔7年回歸紅館舞台，為以最佳狀態示人，古太竟勒令「禁欲」。
做家務操弗
距離開騷只剩兩個半月，又正值新年美食當前，基仔坦言：「所以我呢個新年咪盡食囉，食肥啲，因為知道過完年就要操，同埋古太會禁制我嘅食欲，係食欲！（其他欲都要禁？）點到即止，唔使再講咁多。咁佢禁制我食欲嘅同時亦都會操我，屋企啲家務我做晒，一定大隻。」基仔更接受古太地獄式訓練：「好似洗廁所、抹窗、換燈膽，擒高擒低、搬梳化咁，但重點係唔畀我食嘢。」
相隔七年回歸
出動「子華神」來宣布喜訊，基仔稱：「因為佢靚仔囉，佢呢期當旺，電影票房咁好，我有咁重大嘅事，一定要搵佢嚟幫我公布。」至於兩人是否有合作？基仔坦言是有合作，但要留待3月公布。已7年未開紅館騷的他笑說：「好痕吓，七年之癢，好期待，今次香港站係特別版演唱會，會全部唱廣東歌，為香港度身訂製。」
文：音樂組