陳庭欣菲律賓睇鬥雞嗌恐怖
前港姐陳庭欣早前到菲律賓為新劇拍外景，期間到鬥雞場見識，但面對比賽過程相當血腥，令向來喜歡小動物的她大呼殘忍！
陳庭欣、王浩信、朱晨麗等早前為無綫新劇《兄弟》到菲律賓取景，除連場動作戲外，還有一場到鬥雞場拍攝的戲份，眾人無懼禽流感肆虐，實行勇字當頭豁出去。不過眼見打鬥過程殘忍，庭欣也不忍心看下去，她說：「鬥雞係當地文化，佢哋將啲利器綁落雞腳度，要啲雞互片，當地嘅鬥雞好貴，最高要700蚊美金一隻，仲有特別飼料同埋醫生團隊。我同何君誠識咗鬥雞場負責人，去咗參觀，真係好有規模，有醫生幫啲雞縫針。（有冇落注？）冇啦，我唔鼓勵呢樣嘢，太恐怖。」
朱晨麗被誤當韓星
而主力拍攝文戲的朱晨麗，自爆被當地小朋友誤以為是韓星，令她哭笑不得：「佢哋不斷畀心心手勢我哋，又講簡單韓文，好搞笑，同埋當地人好友善，借廁所、借場地都好熱情。」更指對當地交通規則不了解，如紅色交通燈可過馬路，綠色則要企定，與香港完全相反，令她相當混淆。
文：影視組