城城找數真漢子捐全民利是行善

天王郭富城24年前的受訪片段近日在網上流傳，表示婚後會派利是給全港市民，網民紛紛叫已成家立室的他「找數」。昨日城城風騷出席新春慶典，承諾做「找數真漢子」。他笑言：「廿幾年前我真係小朋友，到依家成家立室，已經係大人，我找數。」他指沒可能逐家逐戶派利是，故打算將給全港市民的利是集成一封：「將呢筆錢捐出去，代表全港市民將福氣承傳落去，希望更多有需要嘅人能夠受惠，最緊要祝福同有心，希望香港市民唔介意。」他坦言當年受訪時信口開河，沒想過結婚事宜。

想今年追多個仔

城城透露稍後會拍三部電影及下半年舉行50場巡迴演唱會，並自爆被媽媽催促生多個仔：「我哋都好孝順，會盡量努力，希望今年可以追多個仔。（想生幾多個？）如果太太（方媛）唔怕辛苦，我都想佢生多啲，一仔一女喺現代社會足夠，但如果佢唔辛苦可以生多幾個，小朋友愈多屋企就愈熱鬧。人生有咗BB好圓滿，追多個仔就滿上加滿，盆滿缽滿。」

已婚的城城於活動上大派利是。	城城承認當年沒想過結婚，故信口開河應承派利是給全港市民。	李丞責指城城今年有紅鸞星入命。

唔敢幫囡囡沖涼

講到五個月大的囡囡，城城開心表示有餵糊仔給囡囡食，問到可有幫手換尿片？他笑言：「喺側邊睇囉，希望下次可以挑戰沖涼啦，見過太太幫佢沖涼濁親，飲咗啖水，自始我就唔敢，同埋希望遲啲可以帶佢去公園玩。」他又笑言太太不想拆囡囡的利是：「佢話想留番做個囡啲嫁妝。」另外，同場的堪輿學家李丞責贊成城城追多個：「佢屬蛇，有紅鸞星入命，紅鸞主嫁娶婚姻，添丁正係喜事。」

文：音樂組