廈門過年林夏薇爆林峯「單拖」

藝人林夏薇昨日下午現身機場入境大堂，戴上黑超的她聲沙沙，透露從廈門度歲後回港：「好開心全部人一齊返廈門過年。（被催生B？）佢哋知我仲要開劇，之後再調理身體。（老公唔陪你？）佢有陪我返廈門，不過已經飛咗去第二度開工。」

林夏薇日前在社交網分享與堂兄林峯的合照，問林峯是否單拖返廈門？她說：「佢不嬲一個人同屋企人返，遲啲見到佢再問佢呀！」而林峯昨日上載與狗狗的「床照」，似仍在享受假期。