陳榮峻7月娶吳香倫承諾照顧一世

現年62歲的陳榮峻於去年底無綫職工盆菜宴上，在「紅娘」黃翠如安排下，於數百人面前向拍拖三年的57歲女友吳香倫求婚成功，這段「黃昏戀」獲不少人祝福。二人邂逅的故事，在前晚無綫節目《1+1的幸福》播出，節目主持田蕊妮更操刀為二人拍婚照，感動不少觀眾。

子女初時唔接受

陳榮峻於節目中坦言與Helen的黃昏戀修成正果，先要過子女一關，若他們不接受便不展開追求。其子阿聰直言，當初得知父親想識女友後感到很突然：「因為媽咪當時走咗唔係好耐，覺得突然間好似咁快變心！」阿聰亦稱妹妹最初不太接受，覺得父親對媽媽不忠，在旁的陳榮峻聽後即忍不住落淚。阿聰續指之後想通了，既然母親已去世，應該為父親下半生着想，難得父親覓得有情人共度餘生，深信在天國的母親亦會欣慰，故他與妹妹欣然接受新媽媽。他又當眾多謝Helen救回父親，因父親失去母親時傷心崩潰，曾想過自殺，但Helen出現後，令他有所寄託。陳榮峻女兒亦寫信給父親說出心底祝福，內容令人極之動容，負責讀信的田蕊妮和陳榮峻、吳香倫感動得淚如雨下，場面溫馨。

黃昏戀修成正果	陳榮峻斟茶給未來外母，田蕊妮拍下重要一刻。	吳香倫細心為陳榮峻整理西裝。

繼續做人肉鬧鐘

陳榮峻表示求婚前未有徵詢未來外母同意，故邀吳母及Helen姊姊一齊拍節目。吳母表示希望陳榮峻好好對待女兒，陳榮峻亦相當識做，即場斟茶回敬未來外母，並承諾會照顧Helen一生一世。他承諾：「會繼續做你嘅人肉鬧鐘，你唔識煮飯，我識，我會照顧你一生一世，畀你永遠幸福、快樂。」他倆希望身體健康，繼續結伴走未來的路。在旁的田蕊妮大讚陳榮峻樣樣做足，即使「黃昏戀」都不求其，除當眾求婚外，還拍婚照，給從未結過婚的吳香倫一個美好的紀念。

陳榮峻求婚成功，黃翠如是最大功臣。	阿聰坦言初時不接受父親拍拖，陳榮峻聽後忍不住落淚。	陳榮峻早前偕吳香倫與兒子，到新西蘭探望女兒。

陳榮峻昨日接受電話訪問時表示，暫定7月10日在教堂舉行天主教儀式的婚禮：「呢個日期我都係初定，因為仲有好多手續要搞，我哋喺教堂行禮，要攞洗禮紙，教堂批准先得，又要去婚姻登記處登記，所以會唔會延期都未知。（會擺酒？）未定，可能會喺行禮處有酒會。（你囡囡喺新西蘭工作，到時返唔返嚟？）個女喺當地啱啱轉新工，佢都會請假返嚟參加我婚禮。」

文：影視組