張建聲翹波多野緊張標汗
「AV界女神」波多野結衣、演員張建聲前晚在圓方為賀歲片《棟篤特工》「情人節優先場」到戲院謝票，有女友的張建聲一見波多野結衣即以日語打招呼，還大膽要求她挽着手臂拍照，緊張得不停標汗的張建聲被問可擔心女友陳嘉莉扭耳仔？他笑說：「出得嚟行，就預咗要還，唔通我跪玻璃又話畀你哋知咩？仲緊張過拍戲，情人節陪唔到女友，但係陪到巴打界女神，為巴打爭取光榮，希望大家繼續留意佢嘅作品！」
女神謝票受男士歡迎
他又笑言要向導演投訴兩人太少對手戲，問到可有身體接觸？他笑說：「有，眼神接觸，加埋幻想，咁就有大量嘅接觸。」
而波多野結衣昨日已返回日本，她謝票時大受男士歡迎，她以廣東話說：「大家好，你哋係咪支持我？記住睇。好開心嚟到香港同大家見面，情人節快樂。」
另外，黃子華、佘詩曼主演的《棟》片於年三十晚正式上映，前日情人節優先場單日香港與澳門總票房達$2,702,789。子華當年主演的電影《一蚊雞保鏢》總計票房只有$175,580，之後被指是「票房毒藥」，如今《棟》的優先場單日票房已超過當年《一蚊雞保鏢》15倍，為子華洗去污名。
文：影視組