在新書中自爆要結婚的藝人卓韻芝，於情人節正日收到未婚夫送的閃爆求婚鑽戒，她將婚戒相片放上社交網放閃同大家分享，還開心留言指未婚夫一直忍到情人節才送。
事後卓韻芝接受訪問，談及收婚戒經過，大擺烏龍的她原以為情人節禮物只得一隻行山專用杯：「隻杯中間就塞住一舊紙，但就冇攞出嚟，想飲果汁嗰陣去洗杯先見到杯內有盒，就係隻求婚戒指。」她又甜笑謂未婚夫有份設計婚戒：「非常開心，佢用咗好多時間畫圖，都整咗好耐。」她又笑言成功「激發」到婆婆的少女心，令婆婆非常妒忌，婆婆還即時拿出卓韻芝在母親節送她的戒指作比對，十分搞笑！