整盆菜賀年 莊思敏一鑊泡
藝人莊思明（Lisa）與孖生家姐莊思華（Mona）昨日30歲生日，思明上載生日P的照片，楊明、蔡一傑、黃建東與張寶欣等到賀，Lisa還向家姐發表愛的宣言：「雖然我哋有時候會鬧交，你有時候又會激嬲我，但我都好感恩一出世就有你陪伴！多謝你令我的人生更精彩更特別，慶幸一路上有你莊思華，Mona I love you！」
莊氏三姊妹感情要好，日前還相約炮製賀年盆菜，不是互窒就是魂遊太虛！雖然過程錯漏百出，如思敏落調味料時錯手放太多蒜蓉，差點將鮑魚、花膠等貴價食材糟蹋，但幸得廚藝導師出手「相救」，她亦自嘲廚藝水皮：「一年都煮唔到三次嘢，所以今年我想學識煮嘢！」提到過去一年，思敏坦言滿意成績：「拍咗《溏心風暴3》吸納咗批觀眾，新一年希望繼續遇上好角色，自己搞嘅生意都想順利啲！男友就唔諗喇！」蜜運中的Lisa則說：「我哋屋企大年初一會食賀年菜式『撈起』，希望新一年繼續嘗試到不同嘅角色！」
