請洪永城睇戲？唐詩詠：自己買飛啦！

藝人唐詩詠及張曦雯昨午現身旺角出席《CSL情人節禮物攻略活動》，詩詠肚臍開窿兼大騷長腿，曦雯則吊帶裙登場，詩詠笑說：「女人貪靚就抵得冷，不過我都用咗兩個暖包。」活動上，詩詠自爆冇記性，會忘記男友生日，惟有用對方生日日期做密碼。記者打趣問刻下密碼是否仍是「1206」（洪永城生日），她笑答：「秘密！如果冇改，講咗出嚟咪大家都知囉！（真係好冇記性？）係呀！近排以為覆咗短訊其實又未，依家做嘢Mark低提醒自己。」問到是否已準備情人節禮物？她說：「送畀邊個？我自己？真係要對自己好啲。（情人節點過？）去睇自己套戲首映囉！（請洪永城？）佢冇提出，我亦冇乜飛，係朋友嘅自己買飛支持啦！」