胡楓晒舞功即場教阿倫

修修有不少契仔契女及好友於前睌助陣，繼張學友隔空在新加坡Live為契爺做嘉賓後，契女劉美君亦專程從美國回來和修修合唱。而演唱會期間，台上播出另一位天王契仔黎明的祝賀片，黎明一個古裝頭向契爺講金句：「Happy birthday！契爺，86歲啦，今晚你喺紅館開Show，肯定係前無古人，不過冇我份，後無來者，因為我要開工，台下嘅觀眾玩得開心啲，Anyway，Good Luck！」

羅蘭獻出「第一次」

輪到校長阿倫出場，他說：「下次開《四個小生去旅行》可唔可以預埋我？我會負責揸咪，我都想知件事真定假，我睇起上嚟係真，其實都係真！」阿倫更感激修修說：「我曾經應承歌迷唱到80歲，而你畀我睇到可以唱到80歲後，但到時唔知仲跳唔跳到舞。」修修竟取笑阿倫：「乜你開演唱會有跳過舞咩？」有「舞王修」之稱的修修更即場給阿倫傳授「十字步」，可謂寶刀未老。

台上播出黎明祝賀契爺胡楓的片段。	胡楓有孫仔孫女上台合唱，又有曾孫送花，梗係甜到入心。	羅蘭被胡楓指唱得慢吞吞。

至於修修的一班老友記羅蘭、Joe Junior、陳欣健和盧海鵬亦來獻聲，相繼登場，羅蘭以「龍婆腔」唱《天各一方》，被修修說她唱得慢吞吞，而羅蘭笑稱將紅館的第一次給了修修。而盧海鵬則唱經典惡搞版《幾許瘋語》，又用了修修的扶手升降台，並笑問修修：「你年紀大我咁多，升升落落都仲得。」惹來全場大笑。最後專程在外國回港的六名孫仔女上台合唱，已做「太公」的修修，獲兩位「心肝椗」曾孫送花當堂冧爆。

十日前失聲大驚嚇

完騷後，修修受訪時講到十日前因操勞過度而失聲：「嚇到我乜咁呀，好彩今日冇事，但都有好多瑕疵，台上面都有咳。」至於創紅館紀錄86歲開騷，他表示的而且確是一個難得的年紀，自己都感到好開心。

文：音樂組

攝：鄭家俊