汪明荃擔定櫈貼揮春 Evelyn着紅底向男友催婚

Evelyn漏口風等男友求婚，隨時做狗年新娘！

Evelyn表示原本與男友到外地旅遊，但笑言為（扌豆）好友陳嘉寶的「處女」利是而留港。與男友拍拖近五年的她，言談間流露出恨嫁的心：「希望嚟緊下一年係最難忘新年，可以試吓派利是。（即係結婚？）唔知幾時！（畀屋企人催婚？）都會！媽咪有問吓，但大家都有工作要慢慢計劃，希望呢一、兩年男友有表示啦！」

提到新春傳統，Charles自言家族每到春節都會舉行麻雀王大賽，最難忘自己做雀王：「我哋有選拔賽，由年三十打到年初二！」Evelyn則自爆近幾年習慣初一至初三會着全新紅色內衣褲，覺得會帶來好運，新一年目標是置業。

Evelyn與林皓霆約埋行花墟，希望行個桃花運！	汪明荃炮製多底年糕，廣贈親友。	汪明荃趁得閒買定年花，唔使同人逼。

• 汪明荃親自貼揮春，身手幾咁靈活！

至於汪明荃趁有空閒去買桃花及年桔外，還自行炮製年糕！她又在社交網上載親自貼揮春的照片，相中見她坐在高櫈，工人則企在梯上，貼上一對押韻揮春，有細心網民就提醒她要小心安全。