陳嘉倩鼻樑直9成嫁得好
前無綫新聞主播陳嘉倩早前被指介入無綫藝員朱婉禎及「凸肚男」陳志遠的關係，陷入小三風波，形象插水，更有指因此工作被Out。前晚嘉倩與堪輿學家蘇民峰，在柴灣錄影ViuTV旅遊資訊遊戲節目《嚮導玩》，她表示首次做Game騷主持，認為跟做新聞主播很大分別，要學臨場執生。講到嘉倩近期是非多多，問蘇民峰可有指點一下？他說：「有是非唔緊要，桃花有時運有時劫，一生人實遇到，希望劫之後係運。」嘉倩笑說：「承你貴言！」
唔心急拍拖
問到最近心情可有被負面新聞影響？嘉倩說：「都係忙呢個節目。（呢個節目係幾時接？）幾個月前。（有指你因為形象差被飛出電台節目！）唔知點解咁傳，係因為要忙呢個節目，嗰邊係我主動提出暫時完，佢哋歡迎我得閒返去幫手。」嘉倩又指不心急拍拖，現以工作和學業為先，蘇民峰即指可從相學角度了解女士能否嫁得好：「鼻樑夠直夠高夠長，大部分都可以嫁到好老公，嘉倩個鼻九成容易嫁到好老公，下轉桃花應該係2020年啦！」
文：影視組