薛家燕嫌黎小田快想錫持久啲！
資深音樂人黎小田將舉行紅館作品演唱會，昨日相約嘉賓綵排。薛家燕深情演唱後獲小田送吻，但似乎唔多夠喉：「冇人喺度佢會錫耐啲！」
資深音樂人黎小田將於農曆新年初二及初三假紅館舉行《小田金曲50年作品演唱會》，昨日聯同嘉賓薛家燕、陳曉東、湯寶如及布志綸綵排。當家燕深情演唱《心肝寶貝》給小田時，他即獻吻回禮，家燕說：「我真係好畀心機練，如果冇人喺度佢會錫耐啲！」還提議當晚與小田扮財神派金朱古力。
東東帶兩女綵排賣萌
東東一家四口現身，大女朵朵與二女多多面對傳媒時動作多多，擺晒甫士勁可愛，東東說：「帶佢兩個感受吓，想佢兩個上澳門個台試吓。（唱歌定跳舞？）未知啊！」連日為澳門個唱排舞的他透露，在小田作品演唱會上會選唱《儂本多情》及《我願意》，又指太太與女兒留港過年，兩名女兒都很鍾意香港，問到是否繼續定居內地？東東坦言她們都在內地上學，加上經常在內地工作，若要回流香港要處理很多事務。
另外，家燕日前出席「千人心電圖篩查」健力士世界紀錄活動，與逾千位長者一起接受心電圖篩查，創下「八小時內為千人進行心電圖篩查」的世界紀錄。
文：音樂組