白只噏錯獎項嚇親王菀之

白只公布提名時噏錯女主角做女配角，笑言太緊張兼冇主持天分。

提到兩人蝦碌位多，白只直言緊張：「因為我好期待個名單！」提到好友張繼聰將與蔡卓妍（阿Sa）做頒獎禮司儀，他自言期待兩人如何在台上搞氣氛，問會否想做埋一份？他笑說：「今日咁樣，就知自己好難負責講正經嘢！」Ivana就笑指兩人要做司儀的話，上台或會暈低而讀不到稿。

至於擔任香港電影金像獎協會主席的爾冬陞指節目安排未有定案：「今次我哋搵阿Sa做司儀，都令佢驚驚哋！我哋同佢講佢有舞台經驗，但佢都話有壓力，不過我哋唔係淨係個司儀喺布幕前講嘢，係要佢參與成件事。（做埋表演？）可能啩！」

王菀之撕極都撕唔爛個信封，以笑遮尷尬。

爾冬陞指邀蔡卓妍出任主持，可能擔任埋表演嘉賓。