Bobby：外面好世界 10個月搵多過3年

歐陽震華（Bobby）昨日出席代言的鮑魚活動，即場試食鮑魚，問他是否經常食好西？他笑言食嘢無分貴賤，最重要係好食：「以前食鮑魚好勞師動眾咁，呢個就好Casual咁。（早餐都食？）我口痕先食，我唔使錢任攞。」對於有指陳豪有意離開無綫，曾離巢10個月的Bobby認為，未試過外闖總想出外見識：「唔出去唔心息，好奇係本性。（佢有問你意見？）佢有毛有翼，你估我好熟出面咩！佢咁老實，冇人會蝦佢。（出面搵多好多？）當然。（10個月人工等於3年？）點止呀！（咁你又返無綫？）我鍾意，因為人情味。」