太極天生吹得Rock起交響樂

太極在記者會上宣布4月開騷，六子風騷地在台上跳起拍照。演唱會門票將於本月6日公開發售，今次是太極首次與交響樂團合作，他們在台上作狀拉小提琴及吹喇叭熱身，適逢Patrick和Ricky是2月壽星，在演唱會任樂團指揮的廖原率領樂團成員為兩位壽星以小提琴演奏生日歌。而演唱會冠名贊助的歐洲坊代表更為太極送上金獎盃作賀禮。

未Battle先認輸

六子表示是首次與交響樂團開騷，笑說：「唔好睇我哋外表斯文，其實我哋內裏好Rock、好痕……係手痕，其實交響樂都可以好Band Sound好爆，弦樂一樣能夠將我哋嘅歌變得高潮迭起，所以大家唔好以一貫睇交響樂嘅心情入嚟睇，依然係太極，好野性嘅搖滾，觀眾可以企晒起身睇！」問到屆時會否演奏樂器？他們笑說：「一定有，因為我哋天生吹得，Joey Tang話到時同管弦樂會有Battle，Patrick管就管，係氣管，所以同管弦樂鬥吹係輸硬，但最緊要融合。」太極又稱今次會比平日花雙倍時間準備及綵排，其他工作都會暫停。

太極奏生日歌做熱身，乘機幫隊友慶生。

放大圖片

Ricky公然(目及)女

問到演唱會可有安排辣妹伴舞？Ricky說：「都有幾個辣妹呀，樂團入面見到有。（有夢夢你都咁大膽(目及)女？）人之常情啫，睇吓啫，冇行動嘅。（一係叫夢夢上台？）都係講番音樂好啲。（Ricky係2月1日生日，當日點慶祝？）食咗幾個蛋糕喇。」身旁的Patrick即爆Ricky剛去完旅行慶祝生日，更笑他兩個去三個返，Ricky即時否認，又反嘲Patrick：「呢啲係你以前嘅行為嚟。」而Ricky的女友戴夢夢本來亦在記者會現場，但被要求拍照即避忌閃人。

文：音樂組　

攝：秦健輝