心穎爆乳 睇到面紅馬國明：限奶令喎！

藝人馬國明前晚與劇集《降魔的》一眾演員舉行慶功宴，當中譚嘉儀在社交網上載晚宴短片，片中見到面紅紅、似有醉意的馬國明被一眾演員圍攻，追問對女友黃心穎出席《2018國際中華小姐競選》的性感打扮有何看法，他顯得十分害羞，然後大聲回答：「限奶令喎！」此舉令網民大讚馬國明Sweet到爆！
黃心穎
黃心穎

昨日馬國明與蔡思貝出席活動時，談到早前與心穎出埠旅遊豪飲豪食，被指「榨乾」的他出言護女友：「唔係，平時各有各嘅，我請食飯，佢請睇戲。（你去睇車，係咪送車畀心穎？）梗係唔係，我自己都冇錢換車。」而情人節則要工作中度過，至於送甚麼禮物給女友，他甜絲絲笑說：「唔話你聽！」同場的蔡思貝表示現時專注事業，望情人節當天有工開。

眾人在慶功宴上硬塞心穎性感相畀馬國明睇，搞到馬國明耷低頭耳仔都紅埋。
  • 眾人在慶功宴上硬塞心穎性感相畀馬國明睇，搞到馬國明耷低頭耳仔都紅埋。
馬國明在慶功宴上飲到面紅紅，但堅稱自己冇飲醉。
  • 馬國明在慶功宴上飲到面紅紅，但堅稱自己冇飲醉。
馬國明與蔡思貝結伴出席活動。
  • 馬國明與蔡思貝結伴出席活動。