宣萱操肌挑戰單手掌上壓

藝人宣萱、莫可欣及杜如風昨日分別帶愛犬到大欖郊野公園出席狗隻慈善活動，現場宣傳以單手做掌上壓籌款，感受傷殘動物感覺。宣萱稱暫時未能做到單手掌上壓，即場做了幾下雙手掌上壓說：「以前一下掌上壓都做唔到，之後訓練到每Set做八至十下冇問題，好有滿足感，依家努力練單手。」不過她笑言早前操到太肌肉型，要減少負重練習。
莫可欣珍惜親子時間，帶埋囡囡及愛犬亮相。
莫可欣珍惜親子時間，帶埋囡囡及愛犬亮相。

至於杜如風笑指愛犬最叻咬她，已被母親寵壞「冇得教」：「阿媽話唔恨抱孫，已經有兩個孫，因為狗仔唔會駁嘴。」莫可欣與愛女到場，表示新春會留港，留待暑假才到意大利旅行：「個女愈來愈大，珍惜呢幾年相處時間，所以老公（方中信）盡量會暑假放假。」

杜如風（左）抱埋狗狗與宣萱支持慈善活動。
  • 杜如風（左）抱埋狗狗與宣萱支持慈善活動。
宣萱示範做雙手掌上壓，輕易完成。
  • 宣萱示範做雙手掌上壓，輕易完成。