黃浩然虐妻先鞭後摑 陳凱琳涕淚橫飛
藝人黃浩然昨午出席宣傳活動，透露拍劇期間「摧花」，向劇中太太陳凱琳（Grace）施毒手狂鞭，同時又搞到拍檔蔡國慶入醫院，幸而收視不錯，台前幕後辛苦有價！Grace則笑言每次「被打」都眼淚鼻涕「傾巢而出」，毫無美感可言。
黃浩然、Grace、蘇玉華及龔嘉欣等昨日冒寒出席無綫劇《平安谷之詭谷傳說》花車巡遊宣傳，沿路向市民大派賀年吊飾及朱古力，粉絲爭住搶，場面相當熱鬧。該劇啟播以來收視及口碑不錯，劇中扮演夫妻的黃浩然及陳凱琳一直表演恩愛，想不到進入結局篇，劇情來個大逆轉！
趴地五小時
黃浩然直言自己會變壞人：「會打老婆，用鞭打又掌摑佢，打陳凱琳我都覺得心痛，但詳情留番大家煲劇啦！（整親佢？）畀我整親嘅應該係蔡國慶，話說有場戲講佢伏喺地畀我鞭，佢為咗就位及燈光問題，堅持拍完場戲先起身，但一拍拍咗4、5小時，佢個仔第二日打畀監製話爸爸入咗醫院，原來整親條腰骨！」浩然誇口表示有信心收視會繼續飆升：「如果覺得之前劇情好睇，呢個星期會更加有追看性。」
「打」到標眼水
對於在劇中「被打」，Grace一點也不介意：「我入行第一套劇《名門暗戰》劇情，都係因為黃浩然而畀林芊妤打。（痛唔痛？）標眼水，嗰日好凍，唔知點解次次被打都冇美感，眼淚鼻涕一齊流。」談到本屆中華小姐賽果，她直言三甲是其心水人選：「我同鄧佩儀及蔡思貝口味相若，宣布結果後，我同思貝擊掌呀！」
此外，蘇玉華談到《平》劇收視好，被問會否再開續集？她說：「唔知，睇劇本啦，好劇本難求呀！」她又表示剛跟英國戲劇老師上了3星期課程，「結業」後大感不捨，但來年可能會跟對方合作演舞台劇。
文：影視組