20歲的日本時尚雜誌《non-no》專屬模特兒松川菜菜花，最鍾意美容扮靚，所以她接到扮靚的拍攝工作，就特別有興趣。平時放假，她一樣愛靚唔愛玩，一係做按摩，一係做Gym。別以為貪靚的她揀男友一樣要靚，菜菜花話理想的男友條件最重要是內涵，外表有型靚仔唔啱佢，之不過有內涵的男士大都是熟男，菜菜花話不介意，40歲都OK喎！