台慶有彩蛋 蔡康年災難級MC是但噏
無綫司儀蔡康年雖然不及出爐視帝王浩信靚仔，但論吸睛程度，他在《萬千星輝頒獎典禮2017》的表現都不容忽視，主持紅地氈環節的片段洗晒版！話說蔡康年做慣《創富坊》，再複雜難記嘅股票代號都記得掂，但當晚竟然接二連三講錯藝員名同劇名，為電視機旁的觀眾帶來無比樂趣，當晚他有N個NG，各位不妨重溫其中幾個令人老尷嘅「精華」！
《學是學非》一眾女主持登場，蔡康年話：「咁多位《學是學非》嘅美女，依家逐一同大家見面，嘉琪、寶兒、梁穎鏇！」你以為佢將「劉穎鏇」講成「梁穎鏇」係老人癡呆？錯！佢係效法陳豪將苗僑偉當成「笛」僑偉搶Fo嗰招咋！
