阿Sa聞「霆」色變：Bye Bye！

阿Sa、林峯、方中信、譚耀文、英皇力捧新人楊天宇及麥亨利等，昨早在新蒲崗為英皇網劇《PTU機動部隊》開工，拍攝一場示威戲，現場出動逾百臨時演員協助拍攝，場面墟冚！身為老闆的楊受成亦到場為台前幕後打氣。

由於拍攝地點空曠兼近海，蔡卓妍直言寒氣入骨：「着咗3件打底、黐咗4個暖包，今日成200人，所以搶到4個暖包咋！」近日工作辛苦，難怪阿Sa期待農曆新年假期：「我同Mani（霍汶希）講咗，新年一定要放假，如果唔係我唔接呢套劇。（你諗住去邊？）去地方囉……（係咪同男友去？）唔話你知。（上男友屋企拜年？）唔話你知。」

林峯陪家人賀年

談到好姊妹鍾欣潼（阿嬌）即將出嫁，阿Sa被追問有否被求婚，她說：「冇喎。（同阿嬌一齊搞婚禮？）我有分數，搞咗佢先啦。」當提到舊愛陳偉霆的外籍緋聞女友Bruna接獲恐嚇訊息，阿Sa聞得「陳偉霆」已說：「唔答，唔知，bye bye！今日乜都聽唔到。（以前有冇接過類似訊息？）做得呢行實有嘅。」

方中信（左起）、林峯、蔡卓妍和譚耀文持槍擺甫，十分有型。

麥亨利（左起）、楊受成、林峯、楊天宇 老闆楊受成到場探班打氣。

至於生日當天答應男友求婚的阿嬌近日甜到漏，有指當日男友先在家悉心布置，牆身用氣球砌出「Happy Birthday」，又準備了粉紅色蛋榚，浪漫環境下終氹得女神「Say Yes」。

林峯受訪時則透露農曆新年會抽時間陪家人：「食團年飯，睇吓佢哋想喺香港定廈門過，但我喺廈門親戚多，知道去咗外國嘅親戚今年都會返嚟，好齊人、好熱鬧。（帶女友(豆)利是？）感情事唔講。（你會(豆)好多利是？）都要派，我輩份高，細細個已經係舅父同叔叔喇，我妹妹都生咗3個。（少返廈門？）都唔係，我會返去巡視業務(0架)。」

賴弘國悉心安排在阿嬌生日當天求婚。

陳偉霆

方中信驅走黑氣

至於雞年相當黑仔的方中信有信心狗年轉運：「好似之前畀間德國公司入稟，依家對方已撤銷咗控告。雞年我淨係攝太歲都攝咗4次，如果唔係你依家都見唔到我喇。新年就初五啟市，我會去拜吓神，祈求一切順利，想安心啲！」

文：影視組