爆契爺有艷女陪 張家輝笑胡楓欲望強

藝人胡楓（修修）為2月10及11日在紅館舉行的《胡楓86破晒紀錄演唱會2018》積極備戰，昨日相約好友羅蘭及契仔張家輝練歌，受訪期間，修修與家輝搞笑地互窒，更不停大爆舊史！修修笑言曾被家輝直呼其名嗌埋位拍戲，事件更傳遍整個電視圈，家輝則說：「有次做完劇集宣傳請大家飲茶，點知食完先發現帶得一張信用卡，畀錢嗰陣修哥話：『等我嚟啦，o靚仔，下次唔好出呢招呀！』」
家輝（左）與胡楓練歌期間笑料百出。
家輝（左）與胡楓練歌期間笑料百出。

談及演唱會，修修笑言因嘉賓太多而被迫Cut歌：「上嚟阻住晒我，等我唱少咗。」又大呻製作人何麗全要求一定要跳舞，否則冇糧出，在旁的家輝即笑他表演欲太強，又爆他有艷女圍着跳舞！

家輝與胡楓窒來窒去，聽到羅蘭笑爆嘴。
  • 家輝與胡楓窒來窒去，聽到羅蘭笑爆嘴。