沈卓盈挺胸防走光
沈卓盈、岑麗香、李亞男、張曦雯、蔡思貝、鄧佩儀及田蕊妮等，為華姐決賽擔任評判團，齊齊性感上陣，不讓佳麗專美。穿大Deep V晚裝低胸露背的沈卓盈最性感，自爆真空上陣：「呢條裙有啲鬆，所以要一直挺住胸，唔可以彎低腰。（怕走光？）第一次着晚裝真空，呢條裙唔可以黐太多膠紙。」
香香與好姊妹亞男齊齊人妻大解放，穿金色低胸晚裝的香香玩透視誘惑及騷長腿，她笑說：「我裏面係一件頭泳衣款，唔算太性感，估唔到嚟現場咁多人望，搞到我有啲緊張。（老公睇過？）我有傳相畀佢睇，我覺得佢都會覺得OK囉。」至於剛從南美旅行回港的張曦雯低胸露背上陣，非常風騷。而少有性感的鄧佩儀，自爆做足保暖措施：「條裙底下有暖包同牛仔褲。」
