陳柏宇玩浪漫唔使You Jump I Jump
歌手陳柏宇昨日現身腕錶活動，去年榮升人夫的他表示情人節未有慶祝計劃，自言喜歡平淡及留在家中，笑謂可以叫外賣慶祝情人節，未知太太聽後可會詐型？
陳柏宇（Jason）昨日為腕錶品牌DANIEL WELLINGTON香港旗艦店開幕擔任一日明星店長及剪綵嘉賓，Jason表示做店長很開心，但自認不是稱職售貨員，他笑說：「如果我唔係陳柏宇，應該畀人炒咗。」
最怕着情侶裝
Jason透露剛與太太符曉薇由泰國旅行返港，此行是太太送他的聖誕禮物。提到情人節將至，他直言未計劃：「都係食飯為主，如果出去食都差唔多要訂位，其實喺屋企食都得。（你下廚？）我唔識，但我鍾意喺屋企食飯，就算係叫外賣都得。我鍾意平淡，其實浪漫都可以平淡，唔一定要去海邊You Jump I Jump，唔需要做啲乜。」至於禮物，他稱不介意情侶款手錶、戒指及耳環，但接受不了情侶衫：「有着過，我幾唔開心呀！」
想開免費演唱會
另外，談到新一年大計，Jason稱計劃將去年在港舉行的個唱帶到其他地方，又希望開免費演唱會：「唔收錢，唔會有咁大壓力，回饋吓樂迷，而且唔用錢去衡量，意義大啲，不過都係處於吹水階段。」
文：名人組