欣宜為紅館頂硬跳：唔知有冇下次！
歌手鄭欣宜將於4月22日舉行首個個人紅館演唱會《BREAK a LEG 鄭欣宜演唱會2018》，她日前受訪時指收到入紙成功的消息後感動爆喊，笑言做埋今次可以退休：「但又唔得嘅，都希望之後可以有Part 2、part3。」她又表示今次暫開一場，但公司想開兩場，早前左腳受傷的她笑說：「如果一場嘅話，我跳斷埋另一隻腳都冇所謂吖嘛！我意思係一晚嘅話可以放盡佢，令大家睇得開心。」
現時仍要接受物理治療的欣宜預告將有跳舞環節，但左腳其實未能應付：「跳咗一堂係好痛，但慢慢好緊。機會唔係必然，今次之後又唔知幾時會有下次，甚至唔知會唔會有下次嘅機會，所以我要硬住頭皮上，為咗紅館真係乜都得！」她指爸爸鄭少秋很支持，有煲湯給她飲，但笑言不會叫他做嘉賓，因不想被搶風頭。提到上次開騷多次感動爆喊，欣宜坦言其實不想在台上喊，因會影響演出：「今次可能要逼自己喺騷前喊晒！」
化妝：Samuel@江中平化妝室
髮型：Milk Chan@ XENTER
造型：Constance Lee@ ConStyle
場地：Cobo House