高海寧轉Look玩特務造型

高海寧（高Ling）及譚凱琪（Zoie）昨日到寶琳出席活動，高Ling以乾濕褸露出單邊膊頭亮相，笑着反問造型似不似特務，問到是否想搣甩性感形象？她說：「都想觀眾留意自己演出，之前我拍咗部微電影做女主角，拍到我瘦咗好多又甩頭髮，壓力好大，希望觀眾留意我嘅演出！（轉形象有問緋聞男友鄧智偉意見？）唔使，好多朋友都留意到我轉新形象，話好新鮮！」
高海寧呢款女特務造型，性感又有型。
高海寧呢款女特務造型，性感又有型。

而Zoie表示農曆新年有假放，會留港向親友拜年：「我90歲嘅婆婆會整蘿蔔糕，希望學到佢出色嘅廚藝！（(手豆)埋今年利是？）屋企人冇催我喎，男友都冇表示，想喺工作方面再拚搏，女人有自己事業，嫁都嫁得開心啲！」情人節將至，Zoie說食飯、睇戲已經好開心。

高海寧（左）、譚凱琪執筆寫揮春。
  • 高海寧（左）、譚凱琪執筆寫揮春。