家姐帶媽咪浸溫泉 黃心穎：下次預埋馬國明

已多次合作的黃心穎和森美，在台上甚有默契。

黃心穎被追問三個家姐帶媽媽到日本箱根晒肩浸溫泉一事，她笑說：「佢哋去日本旅行冇我份已經唔係第一次。我要出席活動，聽日（即今日）又要為新劇試造型，所以唔可以同行。最好笑係旅程中佢哋迷路，我就同佢哋講：『冇我喺度咪Miss路囉。』點知家姐回我：『有你喺度Miss Flight添呀。』」問到下次會否邀男友馬國明參加家庭旅行？她說：「咁大件事？（叫佢搬行李。）做埋司機？可以考慮。（網民讚你媽咪靚。）係呀，佢鍾意跳舞，生完我哋身材都好好。」

森美則自爆求學時受專注力不足困擾，後來自尋方法解決，怕不怕遺傳給子女？他說：「佢哋做過測試，冇問題，我唔開心，懷疑係咪我生。（似太太？）係啩，我老婆好記性，尤其係我做錯嘢嘅時候！」

黃家三姊妹帶埋媽咪（右）浸溫泉。

單文柔一身鮮色打扮甚搶眼。