除了大宇是Harrison的捧場客外，張振朗、王祖藍和王梓軒等都是他的服裝贊助藝人，其中振朗得知此事時，亦戥對方被利用而嘆不好彩，他受訪時說：「都幾危險喎！咁唔好彩被人利用，自己真係要小心！（有冇試過被騙？）自己就冇咁多錢借畀人，亦都少人問我借錢，如果有呢啲情況，通常我都會打電話問清楚，了解吓發生咩事，係咪真係錢可以解決到問題，唔會貿貿然過錢畀人！」