朱潔儀留肚食好嘢
兩間中、西星級食肆前晚於銅鑼灣搞鮑魚x黑松露豪華晚宴，全場只招待約90位嘉賓，每位收費超過8,000元，仍「有價有市」，藝人朱潔儀及夏春秋（冬叔）夫婦恩愛現身。
朱潔儀開席前笑言：「知道有好嘢食，下午開始留肚，Quota有限，梗係留嚟食好嘢。我鍾意食，以前畀人叫大胃王，因為好容易又肚餓，好彩新陳代謝快咋。（最高紀錄點食法？）一次過食10隻大閘蟹，然後繼續食翅同糯米飯。試過同屋企人食飯，我食晒一隻雞，食魚愈肥美愈啱，總之唔驚油同滯！」
散席後朱潔儀表示氣氛很好，兩個星級大廚來個Crossover，楊貫一煮鮑魚，意大利名廚Bombana則負責炮製黑松露，令她眼界大開，笑言想搵人教煮意大利菜：「如果搵到意大利人拍拖就好嘞！」