孫耀威家有鹹濕狗 逢女就舔
藝人孫耀威及姚嘉妮以宣傳大使身份出席寵物嘉年華活動，二人受訪時，孫耀威的愛犬不時舔姚嘉妮的狗女，連孫耀威都話愛犬鹹濕，他笑說：「佢見到男性冇乜反應，見到有狗女就完全控制唔到。」他表示愛犬會與家中收養的貓打交，要訓練牠們喜歡共處。
近日忙於在內地拍攝動作電影的他稱前晚才回港：「要拍到3月尾。（陳美詩下月生日冇得陪佢？）係呀！佢諗緊係咪又送佢自己上嚟。」又指橫店天氣反覆，加上拍打戲受傷，所以很辛苦。
育有一對子女的姚嘉妮表示飼養了兩隻狗，問到愛犬會否呷醋？她說：「佢哋好錫小朋友。我個仔成日欺負隻大狗，塞個拳頭入去佢嗰口度，騎上佢度隻狗都唔會反抗，唔會咬佢。」又稱已為愛犬做絕育手術。