簡淑兒自認宅女 匿家刨漫畫
藝人簡淑兒昨日出席日本動漫活動，以學生妹造型現身的她穿上短裙露腿，表示之前都玩過Cosplay，問到還想Cosplay甚麼？她笑言：「我鍾意嗰啲好靚嘅仙女，但嗰啲我應該唔得，因為啲衫通常好性感，冇好嘅身材着得唔好睇，所以我都係扮番未成年少女先有說服力。」
她又謂愛看少女漫畫，問到揀男友，若對方喜歡看日本動漫，可會覺得對方太宅？她笑言：「宅男咪好，唔會出街先乖，我都係宅女，放假就想留喺屋企。」講到之前被影到與一名男生出街，她表示對方是好朋友，現時了解中：「以前細個拍拖就快啲，大個就想睇定啲先，但依家想Focus做嘢，暫時未必考慮拍拖住。」