加拿大探親岑麗香錯過造人機會

藝人岑麗香與王浩信等昨晚出席公開活動，剛從加拿大探親兩星期返港的香香，靦腆表示未有趁機與老公強強展開造人大計，問到可有被親友催生仔？她說：「催都催大個嗰啲啦！呢方面順其自然，逼唔嚟嘅，強強有家姐，我都有個阿哥，所以冇咩生BB壓力。」談到工作忙碌，強強可有因她冇時間陪伴而詐型？香香說：「又唔會，佢都好忙，所以我哋好珍惜一齊嘅時間，有時間會一齊食飯。同佢開始拍拖時，大家好遠距離，到依家一齊生活，已經好開心同滿足，就算幾忙都好，每日都會聯絡，有Break就會Send短訊畀對方。」問到強強是否100分老公？香香冧爆表示沒有人是完美，但強強距離滿分不遠！