Tom仔杜杜嫌媽咪Leanne醜樣 點名張惠雅陪玩

今集《娛樂onShow》有樂隊Mr.成員杜志烜（Tom）聯同太太何思諺（Leanne）及兒子杜卓霖（杜杜）擔任嘉賓，分享生活趣事！童言無忌的杜杜更當場落媽媽面，大讚張惠雅靚過Leanne之餘，更寧願與張惠雅玩，令Leanne即場「黑面」作狀走人！
主持人Sherman（左起）、方芯、Tom、Angela、杜杜及Leanne大玩親子遊戲。
主持人Sherman（左起）、方芯、Tom、Angela、杜杜及Leanne大玩親子遊戲。

樂隊Mr.成員杜志烜（Tom）與太太何思諺（Leanne）育有一子杜卓霖（杜杜），杜杜生得精靈得意，深受網民歡迎。

日前杜氏一家接受《娛樂onShow》主持人俞詠文（Angela）及李文珊（Sherman）訪問，遺傳了爸爸音樂細胞的杜杜，除即席表演打鼓外，更分享生活趣事，期間笑料百出。童言無忌的他更經常出口術攻擊媽咪Leanne，令Leanne哭笑不得之餘更反白眼！

杜杜口出狂言，激到爸媽冇晒符。
  • 杜杜口出狂言，激到爸媽冇晒符。
Tom獲方芯錫錫面珠，當堂冧爆。
  • Tom獲方芯錫錫面珠，當堂冧爆。
杜杜大讚張惠雅，令Leanne反眼作狀閃人。
  • 杜杜大讚張惠雅，令Leanne反眼作狀閃人。
張惠雅
  • 張惠雅

嗌錯Supper Moment

主持人Angela亦帶同囡囡方芯與杜氏一家進行親子遊戲，Leanne問杜杜喜歡樂隊Mr.、Supper Moment還是Dear Jane時，杜杜滿有信心地將Supper Moment名字讀錯兼秒答：「Superwoman！」當場落Tom面。

激到黑面嗌閃人

杜杜及後轉移「攻擊」目標，當Angela問他：「你鍾意同媽咪玩多啲定同Regen姐姐（張惠雅）玩多啲？」杜杜聽罷直言：「Regen姐姐！」令Leanne當場「黑面」。怎料，杜杜與Tom聯手再下一城，異口同聲大讚Regen靚過Leanne，令Leanne傷心得大叫要離場。想睇杜杜扮卡通人物擺甫士、大跳勁舞？快啲入東網巨星睇《娛樂onShow》啦！

文：專案組

場地：節奏生活