陳振華遺體 疑移送港大研究

70年代「無綫第一代小生」陳振華早前病逝，終年78歲，生前遺願做「大體老師」作醫學研究，昨晨一輛疑載着其遺體的白色貨車，由九龍聖德肋撒醫院，開往香港大學。除了陳振華，2015年底病逝的藝人鄺佐輝亦將遺體捐贈中大。為陳振華做了最後一個電台訪問的主持車淑梅，於2013年也申請了遺體捐贈，她說：「我都係捐畀港大，好得意嘅港大叫『大體老師』，中大就稱做『無言老師』。」當兒子得悉她捐贈遺體的決定感到不捨，車淑梅說：「份申請書係我個女幫我填嘅，填完佢仲同我握手話恭喜媽媽，我都希望家人有一日同我一樣做呢樣嘢，亦希望香港市民都咁做，因為人過咗身個身體都冇用，如果仲有一啲用處，為醫科生服務，令醫學方面得以改善及改進。」