上月結婚的陳昭昭，前晚出席拳賽活動，問到是否喜歡看拳賽？她說：「我未睇過呢啲咁激烈嘅賽事，唔知會唔會頂得順。大會主席係我識咗十幾年嘅好朋友，希望之後都會有合作。」
婚後首次示人的她，被問到為何未見老公同行？她說：「結婚令佢覺得見得太多傳媒，想保持低調！其實冇拗撬，但婚後各有各忙。（習慣被稱呼做李太？）未係好適應，始終遲結婚，單身幾廿年，結婚之後我冇去度蜜月，即刻去咗北京做嘢。（冇時間造人？）順其自然，但唔會刻意避，有時小別勝新婚。」
